Envellecemento activo

Cursos e actividades do Programa de envellecemento activo 2024/25

Destinatarios

Persoas de 60 anos ou máis empadroadas no Concello de Ourense.

Inscricións

A inscrición será online, cubrindo un formulario que se poderá atopar nesta mesma páxina web o día 21 de outubro.

Unha vez aceptadas as normas de inscrición recibirase un correo de confirmación, incluíndo a seguinte información: nº de rexistro, data e hora da mesma.

Se alguén precisa axuda coa súa inscrición, poderá ser atendido de forma presencial no Centro Cívico Colón (Rúa Colón 18, nº2), en horario de mañá (a partir das 09:00h).

Prazo de inscrición

Do 21 de outubro ás 09:00h ao 27 de outubro ás 24:00h.

Normas de inscrición

• Imprescindible estar empadroado no Concello de Ourense e ter os 60 anos cumpridos no momento da publicación das normas de inscrición.
• Só estará permitido facer unha solicitude. No caso de que unha mesma persoa presente unha segunda solicitude, esta quedará eliminada tendo validez soamente a primeira.
• Pódense solicitar un máximo de tres actividades por persoa e por orde de preferencia.
• Rematado o prazo de inscrición, non se poderán cambiar os cursos elixidos.
• Os horarios dos cursos e os grupos non se poden escoller. Naquelas actividades ou cursos onde hai máis dun grupo, estos iranse cubrindo seguindo a orde de entrada das solicitudes ata completalo.

Criterios e adxudicación de prazas

1. Orde de entrada (as prazas asignaranse por rigurosa orde de inscrición).
2. Orde de preferencia do curso ou actividade.

Desta forma tratarase de que todos os/as solicitantes entren nalgún dos cursos, preferiblemente no que elixiron no primeiro lugar.

No caso de non lograr praza nalgunha das actividades solicitadas, o/a solicitante quedará nunha lista de espera e poderá ser chamado/a para incorporarse á actividade máis adiante.

Dado que é previsible que moitas persoas estean en lista de espera para conseguir praza en algún dos cursos, as persoas adimitidas que falten á actividade e non o xustifiquen poderán ser dadas de baixa (máximo dúas faltas sen xustificar).

As actividades que non rexistren o número mínimo de inscricións poderán ser suspendidas.

No caso dos cursos que requiran material específico, este correrá por conta do/a alumno/a.

Para participar nas actividades que impliquen exercicio físico, será imprescindible cubrir unha declaración na que cada persoa se fará responsable das consecuencias que implica a práctica destas actividades. O modelo de declaración responsable daráselle ós/ás participantes ao inicio dos cursos. De non presentar dita declaración o primeiro día da actividade, perderase a adxudicación da praza.

Rematado o prazo de inscrición e unha vez resolta a adxudicación de prazas nas actividades, nos seguintes días publicaranse os listados de admisións nos que se reflexarán o código identificativo da solicitude no portal web do Concello de Ourense (ourense.gal).

Contacto

Para calquera dúbida ou para solicitar máis información, pódese chamar aos teléfonos 988393107 ou 988388171.