Centros cívicos infantís 2024

Actividades e cursos centros cívicos infantís

Destinatarios

Nenos e nenas de Educación Infantil, Primaria e Secundaria empadroados no Concello de Ourense.

Inscricións

A inscrición será online, cubrindo un formulario que se poderá atopar nesta mesma páxina web.

Unha vez aceptadas as normas de inscrición recibirase un correo de confirmación, incluíndo a seguinte información: nº de rexistro, data e hora da mesma.

Se alguén precisa axuda coa súa inscrición, poderá ser atendido de forma presencial no Centro Cívico Colón (Rúa Colón 18, nº2), en horario de mañá (a partir das 09:00h).

Normas de inscrición

• Imprescindible estar empadroado no Concello de Ourense.
• Os inscritos deben cumprir co criterio de idade e/ou nivel escolar que se detallen para
  cada actividade.
• Unha vez comezadas as actividades de Semana e Sábado os pais, nais ou titores poden acudir ao centro solicitado dentro do horario establecido para cada actividade co resguardo de inscrición para incorporarse.
• A confirmación da admisión será publicada no taboleiro de edictos, estando, os datos dos solicitantes, en todo momento anonimizados mediante a conversión dos devanditos datos persoais nun número de rexistro xerado automáticamente unha vez tramite o interesado a solicitude, número que se lle enviará aos solicitantes ao seu enderezo electrónico ou postal.
• É obrigatorio cubrir o primeiro día unha folla de Autorización para a toma de imaxes, detalle das persoas responsables da recollida e permisos de saída ao exterior dos menores.
• A Concellería de Asuntos Sociais poderá reservar o 20% das prazas ofertadas a persoas beneficiarias de programas sociais a cubrir en calquera momento do curso.
• As actividades dos centros que non alcancen un número mínimo de solicitudes poden ser suspendidas.
• As persoas admitidas que falten á actividade de apoio escolar e non o xustifiquen serán dadas de baixa (máximo tres faltas sen xustificar).

Documentación a aportar

• Pode descargar este formulario e levalo cuberto o primeiro día, ou cubrir un que lle faciliten no centro cívico.
• Lembre que para esta inscrición deberá cubrir os datos do/a neno/a.

Contacto

Para calquera dúbida ou para solicitar máis información, pode chamar aos teléfonos 988393107 ou 988388171.

*A actividade Apoio Escolar ten prazas limitadas (10) e débese esperar a que se confirme por teléfono a admisión.